ഇഷ്ടജനപ്രിയ ഭൂതഗണാധിപ-ശരണം -
തവ ചരണം ശരണം!
വിഘ്നശതങ്ങളകറ്റും ഗണപതി- കനിയണ-
മിവനിൽ കൃപയാവോളം!
മൂഷിക വീരനെ വാഹനമാക്കിയ-പർവ്വത-
രൂപം ഒറ്റക്കൊമ്പും!
നീ തുണയാവുക നെറ്റിൽ- പിന്നെ-
വിഘ്നമകറ്റുക ബ്ലോഗിൽ ബ്ലോഗാൻ!
ബ്ലോഗിൽ കന്നിക്കാരനിവൻ-ഇവ-
നുള്ളിൽ സരസ്വതി വിളയാടേണം!
ഇവനുടെ ക്രിയകൾ വിക്രിയയെങ്കിൽ
അഡ്വാൻസായി ക്ഷമ ചോദിപ്പൂ!
കീബോർഡും മോണിട്ടർ മൗസും-
നിൻ തിരുമുന്നിൽ സമർപ്പിക്കുന്നേൻ!!
ബൂലോകത്തിൽ പൂഴിത്തരിയാണി-വനെ-
ന്നുള്ളിൽ സദാ തെളിയേണം!
ഭാവത്തിലഹം തടയാനായി- ട്ടാന്തര -
നേത്രമുണർത്തീടേണം!
നിൻ തിരുവുടൽ കണി കാണാനെന്നും-
അകമേഭക്തി നിറഞ്ഞൊഴുകേണം!
പഞ്ചമവേദമതോലയിലാക്കാൻ-വ്യാസനു-
തുണയായ്‌ വന്നവനല്ലേ!
സുദർശന ചക്രമെടുത്തു വിഴുങ്ങി-വിശപ്പു-
ശമിപ്പിച്ചവനും നീയേ!
ഒറ്റക്കൊമ്പാൽ തട്ടിക്കളയണ-മേതൊരു-
വിഘ്നവുമിളവരുതരുതേ!
ബ്ലോഗെഴുത്തിനെപ്പറ്റി കൂടുതൽ അറിയണോ?
